Subscribe to:
Post Comments (Atom)
Tu meh alai kitai berandau, bebinchang masalah ti nuntung bansa kitai. Ti kita kita bisi macha buku "The Malay Dilemma" ti ditulis Tun Dr.Mathadir, Menteri Besai Malaysia ke dulu suba, masalah urang Melayu maya nya suba diatu udah nya masalah kitai bansa. Nama kabuah kitai enda ulih mansang sesingkang, nginsit mimit, maju sepenemu baka urang bukai? Arap ka semua kita anang takut anang lembau mansutka penemu kita kena kita ngementulka prioriti dalam anjakan paradigma. Ari aku, Tuai Ruai.
Ke Dayak Club
Nama gaga seduai?
Bala Kami
Seleka Dua Ari Tuai Ruai
Hi Bala Kaban,
Enggau basa besai, aku Tuai Ruai minta sambung nunda semeliung kepung punggang, minta ganti nunda titi andau penyuang, minta jali nunda ginti alir sempekang, minta saup minta lilup kita nuliska jerita, tauka sebarang artikel ti tau nguntungka bansa kitai, ngambika bisi dipekunsika kitai laban sesintung pen genselu batu telu ketupung enggi kita, enti enda dianjung, nadai meh nya teulihka untung menang bebeli. Segantang pen genselu batu lua kenyalang enggi kita, enti enda ditandang, nadai meh nya tau meri tebilang pansut pemerani. Sepinggai tupai pen genselu batu lua beragai enggi kita, enti enda diansarka bumai, nadai meh nya tau meri tebantai bulih padi. Nya-alai besaup meh kitai ngulurka penemu kena ngemansangka bansa kitai. Aram meh kitai mansang sesingkang, nginsit mimit dalam anjakan paradigma baru.
Ari aku Tuai Ruai.
Berandau Di Ruai Kitai
randau
Pesan Ke Udah
Pasal Tuai Ruai
- Tuai Bilik
- Bukit Sadok alai Pengelima Rentap ngenan, di serata dunya alai besuara mela pemansang bansa, Enda milih alai di, Malaysia
- Aku tau dikumbai kita bujang nguan manua, pejuang mela bansa, ukai mensia tang 'suara' kitai mayuh ti rindu meda bansa diri empu maju ke depan, enda tenggelam nitih ke arus, agi tindok bepanggalka pengingat agi bejalai betungkatka adat, agi diau bebekalka penelap enggau pekat, ti lantang bepegai ka basa, ti tusah bepanggai ba Petara.Satu ku aku enda bula satu, Laban nitih ka bunsu batang adat; Dua ku aku enda ga bula dua, Tu ga sagenda jadi ka pengingat; Tiga ku aku enda ga bula tiga, Endang nyengala baka ka disukat; Tiap tu nya genap empat, Tu ga ngingatka adat kitai bansa ; Lima ku aku enda ga bula lima, Tu ga kena nunda adat kalia lama jaga; Enam ku aku enda ga bula enam, Tu ga chuan jadika teladan kitai bansa; Tuuuujuh, ko aku enda meh bula, tu ga ka penumbuh batang kerja. In short, I'm a writer, an exister, obsesser, a social-worker, champion, risk-taker, daring-to-be different, a believer of God .
No comments:
Post a Comment